ما الدُنيا ألا مَسّرحٌ كِبير

ما الدُنيا ألا مَسّرحٌ كِبير

المقدمة

ما
الدُنيا ألا مسرحٌٌ كبير .. فكلٌ منا له دور يؤديه ويرحل سواء كان هذا
الأداء جيدا أو سيئا فهذه هى الحياة وقد يغيب بعض الممثلين عن خشبة هذا
المسرح سواء متعمدين ومع سبق الأصرار والترصد أو كانوا مُجبرين أو محبطين

والعرض
مستمر لا يتوقف ولا ينتهى فقد يقوم البعض بأداء الأدوار الشاغرة ويصبح
ممثل متعدد الأدوار والممثلين الجدد يحلون مكان القدامى والذين رحلوا
وأحيانا يمل البعض من أداء دوره لعدم أقتناعه به أو الفشل فى أدائه على
الوجه الأكمل ويبحث لنفسه عن دور جديد يؤديه فى نفس المسرحية يتناسب مع
أمكانياته ومواهبه لربما ينجح أو يسقط ..وقد يتبادل الممثلين أدوار وشخوص
اللعبه حتى يستمر العرض بدون توقف إلى أن تنزل ستارة النهاية ويحضر الكل
لينال الأجر فمن أجاد فله الثواب والتصفيق ومن أساء فله العقاب والتعذيب

ونحن
على مسرح الحياة نقوم بدور الممثلين والمتفرجين والنقاد فى نفس الوقت
والقدر هو المُخّرج والمنتج وواضع السيناريو ومحرك الأحداث ولا أحد منا
يعلم متى ينتهى دوره أو ينتهى العرض وما ستفسر عنه باقى الفصول

ولنا
الحق فى تبادل الأدوار ولكن بما يتناسب مع النص وأى خروج عنه قد يؤدى
بصاحبه أن يكون مسخ شاذ على خشبة الحياة .. فهل فكرنا يوما أو تمنينا أن
نتبادل أدوارنا على مسرح الحياة .. فدعونا نتخيل وأقول نتخيل بأننا تبادلنا
أدوارنا وبعد هذه المقدمه الفلسفيه وهذا الكلام المجعلص سواء هضمنا معانيه
أو كبرنا مُخّنا

يدور
موضوع هذه الحلقات عن تبادل الأدوار فى الحياة فسنرى كيف تقوم المرأة بدور
الرجل والرجل يقوم بدور الزوجه والأم.. والطالب يصبح أستاذ أحيانا
والأستاذ يجلس فى مقاعد الدرس والمجنون يناقش العاقلين.. والحكماء يستقون
حكمتهم من المجانين ورجل البوليس يصبح المتهم وغيرها وغيرها من خلال حكايات
قصيرة خياليه وواقعية فى أكثر الأحوال تعالوا بنا نشاهد هذه اللقطات
المقلوبه

اللقطة الأولى

مين أبو مين ؟؟

يدخل
حماده من باب الشقه فيجد والده الحاج مدبولى يرتدى البيجامه المخططه وعليها
طاقية من نفس النوع.. ويجلس فى الصاله وهو يقرأ الجورنان فيبادره بالقول :
أنت لسه لابس البيجامه العجيبه دى وقاعد تقرأ فى الجورنان ولا على بالك ..
قوم ياعم الحاج بسرعة غيّر أللى لابسه .. خطيبتى زمانها جايه

مدبولى
: ياأبنى لسه بدرى مش بتقول جايه الساعة سابعة ولسه الساعة سته

أنشراح
زوجة مدبولى : ما تقوم بلاش مقاوحة مع الجدع غير هدومك ما تفضحناش ..
حماده : لازم كده كل مره يدوخنا على مايسمع الكلام .. أبهَات آخر زمن ..
وبعدين أسمعوا أنتم الأثنين تسلموا على صفاء
وتتفضلوا من غير مطرود تسبونا لوحدنا .. مش عايزك يا عم مدبولى تنط هنا كل
شويه ..ههه أنا فاهم حركاتك القرعة وكلامك أللى زى الدبش أللى بيودى فى
داهية

يسمع
الكلام عم مدبولى ويقوم صاغرا ليرتدى قميص مخطط وبنطلون مخطط ويقف أمام
حماده ليشاهد منظره

حماده :
تانى القميص والبنطلون المخططين هو أيه حكايتك غاوى حاجات مخططه ليه
بيجامه مخططه بنطلون مخطط قميص مخطط .. ألبس القميص أللى أنا شاريه يا أخى

مدبولى
: ياحماده ده لونه برتقانى فاقع لما بلبسه ببقى عامل زى اليوسف أفندى

- هى
دى الموضه ياعم الحاج أسمع الكلام وبلاش مناكفه .. وبعدين تعال هنا أنت
وديت مرتبك فين أنا شايف فى محفظتك غير خمسه جنيه

- أسأل
أمك .. أخدت كل الفلوس وماسبتش ألا دول

- أحلق
دقنك وبلاش تحط ريحة من بتاعتك لأنها بتقلب ريحة البيت وصفاء خطيبتى
بيجيلها حساسية منها .. وبلاش ريحة ولا أى بلاوى من أللى بتحطها

- يا
أبنى أنا حقعد جوه ولا له لازمه من الحلاقة ولا اللبس ولا الريحة

ينفعل
حماده وينادى على أمه : ياماما يا أم حماده تعالى شوفى جوزك وأللى بيعمله (
يضع مدبولى يده على فم حماده ليمنعه من النداء على أمه : بس خلاص

بلاش
فضايح هو أنا حلاقيها منك ولا منها حعمل أللى أنت عايزه أسكت بقى

- فين
مفاتيح عربيتك أنا مش قولت ماتخدش المفاتيح ألا لما تقولى

- أنا
نازل عندى كشف على دكتور الأسنان

- خد
تاكسى يا أخى أو أتمشاها .. المشى كويس عشانك

- أمشى
من شبرا لحد العتبه ياحماده

-
أومال أنا أفسح خطيبتى بالميكروباس ولا التوك توك.. بلاش تروح النهارده

(يرن
جرس الباب فيفتح حماده ليستقبل خطيبته وتمسك أنشراح مدبولى حتى لا يتحرك
ليفتح الباب : أقعد هنا مش أبنك منبه عليك أن أحنا مانطلعش ألا لما ينادى
علينا ولا غاوى مشاكل معاه وحاطط نقرك من نقره

- مش
عارف مين حاطط نقره من نقر التانى ماشى يا أم حماده آدى أخرة دلعك فى
المحروس أبنك حبسنا أنا وأنت فى الأوضه وقاعد لوحده بره هو والبت المايصة
بتاعته الله أعلم بيعملوا أيه.. بنات آخر زمن أنا مش عارف الدنيا أتشقلبت
البنت تروح تزور خطيبها فى بيته .. فين أهلها مش خايفين عليها

أنشراح
تنفعل : حيعملوا أيه يعنى ياسى مدبولى واحد وخطيبته..ماتبقاش نيتك وحشه
وحسك عينك تقول الكلام ده قدامه مش حنخلص ..

- حاضر
حسكت وأحط فى بوئى جزمه قديمه لما نشوف آخرتها مع بوبى الحبوب بتاعك (
حماده ينادى من الصالون فتسرع أنشراح ومدبولى فى تلبية النداء وخرج كل
منهما يحمل صنيه عليها فاكهة ومرطبات وشاى ويضعاها أمامهما ويقوما بالتسليم
على صفاء والترحيب بها .. فتنظر إلى عم مدبولى وتكتم ضحكتها )

مدبولى
: بتضحكى على أيه يا صفاء أكيد مش عاجبك القميص

صفاء :
مش قصدى يا عمى بس لونه فاقع قوى ومليان دباديب وو..وو

- قولى
ماتكسفيش ..مش مناسب لسنى ..نقاوة خطيبك ..حكم القوى على الضعيف

- بس
دى الموضه يا عمى

- ينعل
أبو الموضه وأللى ماشيين على الموضه أللى تخلى الواحد يبقى بالشكل ده

(يدخل
عم مدبولى وهو يسب ويلعن ويخلع القميص البرتقانى ويرتدى قميصه وبنطلونه
المخططين ويأخذ مفاتيح السياره ويخرج وهو يودع الخطيبان )

- أنا
خارج رايح لدكتور السنان وواخد العربية ورميت قميصك البرتقانى من الشباك
ومش راجع ألا آخر الليل خدوا راحتكم وأمك نامت كمان..nice time

صفاء :
هئ هئ هئ يا حلاوة أبوك بيتكلم لغات ياحماده

حمادة :
طب سيب مفاتيح العربية علشان أحنا خارجين

مدبولى
:أبقى خد تاكسى ولاميكروباس أو توك توك أو أتمشى المشى مفيد للى فى سنكم
تتكم القرف فيكم وفى أللى مربينكم ( يفتح باب الشقة ويصفعه بشده وهو خارج
فيجرى ورائه حماده ولم يحصله وهو ينادى : حاج مدبولى بابا بابا)

مدبولى
يرد عليه من بئر السلم : بابا مين ده أنت أللى بابا

يعود
حماده ليجلس بجوار صفاء وهو يكاد يطق من الغيظ .. تضحك صفاء وهى تقبله فى
جبينه: ما تزعلش يا مودى ..كويس أنه خرج

هههههههههه

اللقطة الثانية

حكاية فوزى وألفت

[b] هههههههههههههههههههههه Razz

شكالمرورك بيسعدني جدا

ههههههههههههههههههههههههههههههههههههههههههههههه
بجد حلوة
خخخخخخخخخخخخخخخخخخخخخخخخخخخخخخخخخخخخخخخ

مستنية بقيت الحلقات
هههههههههههههههههههههههههههههههههههههه
ميرسى يا عبدالله

يسلم تمك عبدالله
موضوع حلو كتير

هههههههههههههههههههه
الاخ حمادة يتهزئ بأبوه غاوى الحاجات المخططه
فعلا حلوة انا والحلقة الجايي اليوم

» ما الدُنيا ألا مَسّرحٌ كِبير-الحلقة الأخــــــــيرة
» ما الدُنيا ألا مَسّرحٌ كِبير-الحلقة الرابعة:أنت حلوة قوى
» ما الدُنيا ألا مَسّرحٌ كِبير-الحلقة الخامسة:أنت حلوة قوى2
» ما الدُنيا ألا مَسّرحٌ كِبير-الحلقة السابعة: ارجع زى الأول
» ما الدُنيا ألا مَسّرحٌ كِبير-الحلقة الثانية حكاية فوزي والفت