معين القومي

كما ذكرت سابقا الفنان معين شريف نجم لامع
ولكن أريد أن أقول شيئا
أنا أحب الفنان معين الذي يغني باسم المقاومة العربية
و ذكر اسم لبنان في معظم أغانيه لا تعجبني و لا تعجب أي إنسان قومي بقدر الاغاني القومية الأخرى
وشكرا

هذا الكلام صحيح وأنا أئيدك يا زين
صحيح أننا نعتبر اللبنان بلد الكفاح والمقاومه
ولكن تغني معين الدائم بالبنان ومقاومته يدل على أنه قد لغى فكرة أنه مواطن عربي قبل أن يكون مواطن لبناني وبالتالي قام بإلغاء دور القوى التي تدعم لبنان وكما نعرف فلولاها لما بقي لبنان صامدا حتى الأن

اوافق عبد الله في ما ذكر
معين لم يغني للبنان فقط غنى للبنان ولفلسطين وبسوريا غنى لسوريا ...
عندما يغني معين ضد الطغيان والاحتلال والصهيونية لا يغني فقط للبنان فهي قضية تخص كل عربي وليس كل لبناني ,هذا من ناحية
من ناحية اخرى هو لبناني ولكل انسان الفخر بان يغني لبلده ويمجد بلده قبل ان يغني لاي بلد اخر ولا ننسى معين انسان مقاوم ومن حقه ان يغني لمقاومته وفي الحقيقة المقاومة والمواجهة المباشرة مع العدو كانت في لبنان وفلسطين
وعندما تولد مقاومة في اي بلد لن يتردد في الغناء لها
ولن ننسى من يكتب ويقدم هذه الاغاني في النهاية هو مطرب وسيغني ما يكتب ويقدم له ولو طرحت عليه اغنية مناسبة ذات قيمة حقيقية لاي بلد لغناها دون تردد

هذه وجهة نظري وعذراً للاطالة
شكراً لطرحك زين

أنا مع كلام عبدالله وديمة
كمان شي بأكتر من مقابلة لمعين لما يغني زرع التحرير
يقول لما سوريا تنادي ولما فلسطين تنادي
والجولان ينادي مو بس الجنوب
ويا هالزمن معين أهدها لكل مقاومة في كل مكان لما بسمعها ما بحس أنها للمقاومة في لبنان فقط

والله كلامكم على راسي شكرا الكم يا غوالي

راي انه المطرب معين شريف غنى اجمل الكلام واروع المعاني الي بيحسها كل شخص فينا

أولا عبدالله نحنا منحب معين بس أنو تقلي لبنان خط الدفاع الأول أنا بقلك سوريه ما قصرت أبد من مقاومه ودعم للمقاومه لأننا نحنا خضنا حروب مع أسرائيل كتير وكنا دائما بالمرصاد حرب 73 و82 رحلنا فيها جنود كتير ولما دعمنا المقاومه باللبنان وخليناها توقف بوجه أسرائيل دفعنا تمن غالي كتير وأنت بتعرف
ثانيا ديمه أنو تقولي معين لبناني فأنتي حزفتي العنوان الأساسي أنو معين عربي قبل كل شيء ولازم يغني ويتغنى بكل دوله عربيه والأحسن بالوطن العربي كله دفعه وحده
ثلثا يا مون منجد الوطن العربي مو بس سوريه ولبنا أو بالأحرى لبنان لحالو لأني ما بسمعو يغني لسوريا أو قليل كتير
رابعا يا عيون معين نحنا عم نحكي عن معين كأنسان مو كفنان

ما حدى قال سوريا قصرت ولبنان حاليا هو خط الدفاع الأول بعصرنا الراهن .. اكيد سوريا خاضت حروب كتيرة مع اسرائيل ودفعت الفاتورة القومية . ونحن منعرف أكثر من غيرنا يا باسم بحكم واقعنا .

بس معين احسن من كل فناني الساحة كقومية وحب وانتماء ..ويعشق كل وطني ويغني لكل ما هو وطني وعربي وقومي

في البداية بحب أشكر الأعضاء على ردودهم وبتمنى تقرو الرد كلو قبل ما تحكموا
أنا بحب ذكركم أني طابت منكم تستحملوني على صراحتي
أنا زين العابدين ماريا طالب سنه ثالثه صيدله بكتب شي بقدر المستوى اللي وصلتلو
وبرد على أي حدى بنفس المستوى
ردودكم بتهدف إلى شي واحد وهو الدفاع عن شخص معين
فلما كتبت عن ميزاتو غرقتو في بحر المشاعر المرهفه والشاطر يلي بيكتب أكتر عن مشاعروا
ولما كتبت عن الجانب السلبي ما حملكم عقلكم وبدأتو تكتبو ردود أنا لما كان عمري 16 سنه يمكن بكتبها
ومنشان الإيضاح أنا لما كتبت هالموضوع قصدي لما بيحكي السيد الرئيس بشار الأسد بكل خطاب عن الوحده العربيه لازم يكون معين انتبه لهالشغله وغنى لمقاومه عربيه لا لبنانيه ولا سوريه ولا فلسطينيه لأننا كلنا منعرف أن الدور جاي عكل العرب
والسيد الرئيس بشار الأسد تكلم عن المقاومه العربيه والشعوب العربيه المقاومه وذكر أنو أساس المرحله اللي عمن بنعيشها
بحب رد عالردود برد صغير
بالنسبه لعبدالله: قضية المقاومه العربيه أكبر من أعضاء المنتدى ومشاعرهم المرهفه
ولديمه: خلينا نسمي أول شي لبنان بلد حتى وافقك برأيك والمقاومه الإسلاميه حقها محفوظ بوجود دوله الصمود سوريا
أما مون:نحنا عم نحكي بشكل عام مو غنيه بحد ذاتها وإذا دورتي عغنيه كدليل وشرحتيلنا أياها فنحنا فهمانينا كتير وشكرا لشرحك الإضافي
عيون معين:الظاهر كنتي نايمه وما غسلتي وشك منيح فما قريتي الموضوع صح
أما باسم يلي عودني وبغض النظر أنو أقرب صديق ألي على فهمو الكبير وقرائتو المتأنيه فبشكرو من كل قلبي

قريت يازين صح وهاذا راي ولازم يكون عندك احترام للراي الاخر ومالها داعي التعصب وشرب مويه بااااااااااااااااااارده تروق فيهااااااااااااااااااااااااااااااااااااااا

شكرا إلك عيون على رحابة صدرك .
انا ما هدفي التجريح بالحكي واذا حدى فهمه هيك بعتذر
وأنا دائما بحاول كون رايق وهادا الشيء كتبته ببياناتي الشخصية
ولا تنسي انت وكل الاعضاء انو انا بحب الفنان معين بس ذكر السلببيات برأيي الشخصي مو عيب لأنو برأيي الشخص الناجح يحب يسمع سلبياتو اكثر من ايجابياتو حتى ينجح اكثر

أيها الاعضاء أحب أن أقول لكم أخر تعليق على الموضوع اللذي كتبته
عدم ردكم عالموضوع مع أنو صادق 100% برأي كل عاقل لا يفسر إلا تفسيرين أثنين وبس أما أنتو خجلانين من دفاعكم المتهور دون فهم مغزى الموضوع أو بدكم نضل نمدح ونمجد بمعين ومنذكر أي سلبيه وهذا أسلوب سخيف وما بيدل عمستوانا برأيي

الموضوع انطوى اخي زين . والاعضاء اللي ما ردوا كتابة ردوا بتقييم الموضوع

sa7i7 2nou mou3in 3arabi bas 3arabi lebnani w eben lb2a3 mn b3albak akid lebnan 2lou 7a2 kbir 3ala mou3in w shi tabi3i enou mou3in y8ani la lebnan abda mn 2nou y8ani lal blad l3arabiya kla bas souriya 7ala 5asa 2estsna2iya 3an 8er bldan la2n lebnan w souriya balaben bi we7ed w sha3b lebneni w el souri e5wa lahek mou3in bi2oul souriya baladi el tani